زينب الفاخري
جاكم شهر كاتب الله صيامه
لا اتقتروا ولا تسرفوا بالحيل
ولا تشبعوا لااتجوعو اليتاما
وتخلوا مدامع على خدود تسيل
ونبينا موصينا بطيب احكامه
علي جارنا منصوص في التنزيل
ولا تكون من العرب الي النوامه
تنسى صلاتك في نهار وليل
اعلن التوبه جد في استقامه
واقرا كتاب الله بالترتيل
جدد النيه واغلب اللوامه
وصلك طريق الخير هو الدليل
وبنادم يراعي خير دوم كلامه
مش بالعياط اينوظ والتنكيل
تحرى القدر وليلته وانسامه
وادعي ادعى تايب لرب جليل
يغفر ذنوبك كلهن علامة .. الغيب
والسراير على العباد وكيل
ازكي زكاة الفطر خير اختامه
من حر مالك لا تكون بخيل
وعليه الصلاه منا وخير سلامه
محمد رسول الله خير دليل
” اللهم صلّ وسلم على نبينا محمد “