محمود اكنيش
النشده علي لصحاب تمت توا
جميل تقبله ماهي وفاء وأمروا
…….
النشده علي لصحاب تما فيها
غريبه انما في مصلحه تبيها
ناس واجده عندي أحقوق عليها
امغير لجل واجد ما أنكثر دوه
اقراب دم والا من عرب ماضيها
إيشرف امغير الوقت عاكس جوا
وحتي العين تغلط من افعال إيديها
واتقصر أوقات أنردها بالقوه
واللي أتزعلك رفقة أرجال أتجيها
امعاك قصروا ماهن جراير حوا
………
النشده انشدني عنها
مشنونه انجاتك من بعيد أركنها
من فعلنا مالوقت مندرعنها
كل يوم تمينا انزيدو هوه
اتلوم صاحبك واوقات تبقي منها
العين مش ديمه ناجيه من سوه
الحاصل تغيرنا وقلنا كنها
الدنيا تغير شكلها وتلوه
ونحنا ذودنا نقض علي امعطنها
وكلينا بلا حسبت احساب امسوه
