بالقاسم السحاتي
ماعاد (نا) لاول نعاود (نا)
ظروف الحياة يغيرن لانسان
.
ولاعاد انغالى لا اندير غلا
ولاعاد انصاحب تو اين كان
.
حال غايتى نبى امغير خلا
وغابة اتكون اوسطها وديان
.
وصفة شهيرة للمريض دواء
يقولوا اتساعد فية عالنسيان
.
نلقى راحتى مرات غير ابكاء
يزيل الكدر . مفيد للاحزان
.
يخفف اللوعه صاح فية عزاء
وهناك لوعه تسكن الوجدان
.
وهناك دمع اتقول رزق ارباء
فى عازته ينشف الا انشفان
.
وفيه من روابط غير قطع اللوا
اللى فى المواقف عندهم خذلان
.
ماينفعك لاغاب . لا كان جاء
كاثرين توة فيه هالزمان