محمود اكنيش
لوغبت من يفقدني. .ومن يناظر في عيني
ولو جيت من يحضني . . من غير جرح اسنيني
انا جرح يخلف جرح . . وانا بحر مالآهات
ابودي انعيش الفرح . . امعاكي انتي بالذات
وتلمس ايدي ايديك . . بعد طول شوق انجيك
وتحضن ابود حنيني
لوكان مره غبت. .من ينشغل فغياني
محتار نا واتعبت. .في غربتي وعذابي
كيف جيتي.. كيف غيبتي .. ماعاد يفرق شي
معروف دوم ابطيبتي .. صافي ضميري حي
لكن الغير نساني. .وراجيت ما راجاني
يكفي شقا يكفيني
عيش الحياه ابروحك. .يا قلب واشكي لله
وداوي سطير اجروحك. .ملي فالغلا يسلا
وأهجر اللي باعوك. .وخوذ مالتجارب عبره
يا قلب ما يبوك. . اللي ناسيين العشره
احسبهم سحابة صيف. . لاهي مطر لا هيف
ولا نقطها يرويني
