زينب الفاخري
خلاص رحلت وابقى بالسلامه
يلي كنت في عيني وحيد
وكنت غلاي وللخاطر احلامه
ويوم لقاك عندي يوم عيد
تربح غيب مافيها ندامه
كان بلاي ياغالي سعيد
هنت عليك بينت الخصامة
مانحساب تركني بعيد
وخلي العقل عايش في اوهامه
تربح دير فينا ماتريد
بلاك العمر ماتحودد ايامه
معاك بلاك ناميت اكيد
ربيع غلاك يامجمل انسامه
جنين الكبد غالي ياوديد
غلاك كبير عالي في مقامه
غير اقسيت باينلك جديد
نسمع فيه واصلني كلام
امغير عليه بالطرشة
لا مانلوم ماتنفع ملامه
في الي باع ودك ماتفيد
وباع غلاك قلعهن ارمامه
من الوجدان شالك بالحديد
باعك بيع رخصهن اسوامك
ودك بخس سعره مايزيد
انسيه غلاي ماطول غرامه
قبل انقول في الشده سنيد
خساره راح يامقوى عزامه
هلي لي كي حبل الوريد
خلف في في كبدي علامه
خوف وجرح ودموع ونهيد
يانشاد خلاني حطامه
فرط في ونادرته عضيد
يمسح فيه دمعه في اكمامه
خايف عين شامت به تكيد
يروم فيه جرحه نين رامه
قسوة كبد تحسابه شديد
وهو مكسور يمضغ في ابهامه
جمرة صبر ماسكها باليد
وكبد اتذوب ذوبان الغمامة
رعدها زام نزلها جميد
من نيران يضرب في اقدامه
فوق تراب تحسابه ايصيد
وصيده دمع مو ماسك اكمامه
تجيب الصقر في صدره صهيد
خفت عليه يفقدهن افهامه
ونوحل فيه متصعد صعيد
حن عليه لا تقطع اقسامه
يرجى فيك كيف انك وليد
وان عديت صبره هو طعامه
مر المر في جوفه كميد
انسامح كيف من صرح افطامه
يعزل فيه ياغالي عنيد
عزايا فيك ملطم في الطامه
بقولة غاب ودعنا شهيد
خلاص رحلت وابقى بالسلامه
يلي كنت في عيني وحيد
