محمد التميمي
الجرح جرحي والسطير سطيري
وعصفورتي في عش واحد غيري
……
ما يوم حسّت بيا
ولايوم قالت وين غبت عليا
وهي عارفة بالنار هلي فيا
وقالت بملي الفم مانك طيري
!!!!!
هجرت ف لحظة وكري
وطارت بعيد نسيت اسماي وذكري
وشالت الفرحة من قليبي وفكري
وبحبر الشقاء كتبت حروف مصيري
!!!!!
يا ريتني ننساها
وننسى هواها وعشقها ومدعاها
بيش انتريّح من عذابي معاها
ونشيلها من دنيتي وتفكيري
!!!!!
الجرح جرحي والسطير سطيري
وعصفورتي في عش واحد غيري
———————
من قصائد الشاعر في ديوان (خبر عاجل)
