محمود اكنيش
مادام اعيونك تعشقني
نا من بحر الحب انزيدك
ومادام اشواقك تمنحني
نبقي طول العمر انريدك
ناطفل ونايم فحضانك
نا ودي عاشق بستانك
نا غارق في فيض حنانك
لا اتخيب ظني لا انكيدك*
مادام احلامك يا خلي
تحلم بي وموش ابغيري
نا قلبي والعين وكلي
ملكك يا شاغل تفكيري
في بعدك عني يا غالي
ماعاد الدنيا تحلالي
ياساكن بالي وخيالي
عاود خلي يدي فيدك*
مادام ادروبي ما اتخالف
مهما جار الوقت القاسي
نا عالعهد ابربي حالف
ما تمنعني قوة ياسي
نا قلبي شورك شايلني
وارياح امواجي تحملني
كان انت تبي تجهلني
خلي قول الناس ايفيدك*
مادام اتريد اترافقها
عين عالطيب وعالعشره
نحلفلك بلي خالقها
ونبصملك حتي بالعشره
مانشري في يوم اخلافك
ولا نرضي نمشي بأريافك
حتي لو جافوك اولافك
نا قلبي سلمته فيدك*